مفهومك غلط
محمد سلام / بغداد
الحمد لله انتهت وانه بحياتك شي
خذت كلشي بغيابك حتى راحة بال
انه موشل اسنيني بوكت شحت ناس
وانته وتعزه صاير كلمه التنكال
اي حبيت غيرك واعترف و امشيت
بس حبيت صوره البيه چن تمثال
ليدور روحي يلكاني بركن مهجور
روحي وي العناكب عشره مال اول
مفهومك غلط عالبير يحجي اسرار
أخذ جلمة هله ابمكفاهه وتفضل
لعبة يانصيب الليل يكضي وياي
ساعه بصورتك و بطيفك اتوسل
اي طبعي صلف واتسامر اويه انجوم
واعرفنك تغيب وعني ماتسأل
باكت ساعتي من النظر حفنات
ملامح وجهي بيه انطبعت اتخيل
الما دايرلي (وجهه) ابوجهي ماديرة
الميحبني غصن اكشخله بلمنجل
انه اظفر ارموشي امغافل امن العين
وعينه بكل صلافه ابغيري تتغزل
خلك للنمل مالي وصوته منه اغتاض
يتوزر الساني امن احجي جن مختل
البلم مو هيبه روجه ماي الدفعه
ساعه ابمده يغفه وعمره بل اسفل
انه ابدونك سماري انداف بالنظرات
واخلص ايامي عايش عيشه امبهذل
الطير اشكد وفي ابريشاته من رسمو
القلم عمره مسافه وتالي يتبدل
اليغربل خسر ان جان زين وشين
الله ويا الطايح والعبر ينچل
واذا حبيت غيري خل اكلك شي
الجكاره ابلايه جف اهوايه تتعلعل
