سامر الموسوي
هيه حسره وتطلع اعيون الصبح
عالجرح ياكلبي نام
الصبح لوشافك حرام
الصبح شامت من يشوفك تنفضح
هيه حسره وتطلع اعيون الصبح
ادخل ابخت الشمس وبسدهه نام
لاتفزعلك عصافير وحمام
وجرحك يدوسه الضوه
وصيتك ينقله الهوه
اشلون ذله وفوك جرحك تنجرح
هيه حسره وتطلع اعيون الصبح
ليش دمعاتك بخدك ضاله
يطيب جرحك بس دكول ان شاالله
النار تطفي شماتشب
والله ميعوف اليحب
عينك بعين الله حطهه وتنصلح
هيه حسره وتطلع اعيون الصبح
انته مو اول كلب عافه المحب
كافي تبجي من الدمع دمك يشيب
لاتجلب بالجروح
الأكل ملحك خل يروح
والله يرجع نادم يرده الملح
هيه حسره وتطلع اعيون الصبح
