چا وينك
يوسف الفراتي / بغداد
چا وينك
خميت القصايد. والشعر صوبين
مامش طاري لسنينك
طيفي اباب جفنك يامة دگ بشوگ
ويذبحة الصبح ويموت يم عينك
بروحي اسمع صداك يصيح
وادورك بيه ما موجود
ماينكظ هبوب الريح
يهل مملوح .
بيه جروح ما تلتم
مدري شلون عايش بية مثل النار
تخلفني رماد ويارماد التم
اليدور الروح يلكه جروحك وطيفك
ومن حبك شبعت اشاه
ومتاني يرد صيفك
يل ماادري ساكن وين بس جيتك
يمعود وحگ عيناك حبيتك
وعود تروح .
وانت بكل كتر موجود وين تروح
ولا شباج ماخليته الك مفتوح
بس ارجع
لا بيه الدرب يكمل
ولا بيه اظل مجروح.
ولا يصفالي بال بليل
ولا عيني جفاهه النوح
