حسين السعيدي

غثيني بعد ماضوج بس عبريني
 طاري الليل
حقق بيه احلامه
تعب بيه يغمضله جفن تمثال
 وانه الليل مانامه
موتيني وله تروحين
الحبل بالركبة للمعدوم بس
 الترفس اجدامه
انه تمنيتج تزعلين واحط
 بوجهج مراية
واشوفج ليش اموت اني
مو كل التهل دمعة اريد ابجي
 مثل جاهل تعاي وخلي نتزاعل
انه مشتاك لفراكج البي رجعة
احس ناقصني شي دونج
لتعوفيني مثل الخيط
 بس يستر عيوب الناس
 اريد افضحهم بشمعه
يأول وحدة اكضي الليل اتعلم
شحاجيهه
تفاصيلي التمر كل يوم
لازم يمج اشكيهه
يوردة عمري ذبلانة بقيتي انتي؟
انه ماعندي بس الكطرة البكصتي
بيت الاعمه ما ينباك
دومه مغمض عيونه
ومتعرفه شوكت يغفه
يمن خليتي بيه صواب
من ابجي اطورش حايط الغرفة
يربة بيت بس عندج ثقافة حب
جريئة وغيرج يخافن
يأول وحدة ماخافت تعاندني
طيفج باقي كل ليلة يراودني
اهلج واهلي حاجز باقي يمنعني
ما مقسومة بس كلتي
 اني اختارلك قسمة
حبيبي وحي من اختار
مو ياهو التجي تشمه
اقيس البين اصابعهه
 لاتخنك اصابيعك
اعلمهة الحجي وياك
واعلمهه السكوت شلون
من تطرح مواضيعك
شحجيلج خذاني الليل محد
كام سكتني
ودخان الجكاير ذيج
 الكلتي الخاطري انساهه
كارهتج من الكلتي
تالي الليل من اشتاك نستني
شحجيلج يبعد المارخص مني
اول عيد حب النه ما باقيله
بس جم يوم
بس هالمرة من دونج
يحفظج خالقي من السوء
اتمنه الارق مني يزفونج
اتمنه الاحن مني يحبونج
واعذريني ولا تبجين
اقري الفاتحة وفرحي
واضحكي بوجه اليكولون
مات الخاطر عيونج