حامد الشمري
كسرن برج كلبي طيورنه اليوم
اشتهنك موت واضح من شكلهن
واذن رادن بيوم الطارن اعليك
ابصمت بالعشرة قابل وين اكلهن
مابيهن نجر كلهن عليلات
وعلي يحطن شلع بس ترمشلهن
وللعذال صارت كل سمه الشوك
وتره العذال تفرح من احلهن
اجنك بس جلد لتيهه الرسوم
نار اجفاك حركت كل نسلهن
ومع حروف الرسالة شدن الحيل
وفية احروفنة ومابيهة تقصير
سما هاي وهواى الشمات جتال
مثل دج الخناجر بالكفى يصير
اوياهن حجينة وي الحروف
كبل ليطيحن ويشمت الغير
حرف واحد يشيل الطير لو طار
واذا تعبن يبدلن كل حرف طير
الظهر يصلن سماكم حاسب احساب
تلكاهن شجر لا تبقى مجتوف
وحل شعرك وهو يجلجل اليل
دخيلك خل يوكرن فوك الزلوف
وكدام العواذل واليكرهون
بذنيج الشفايف بوس الحروف
وقراني قبل لا تقره العتاب
وحل جذري ونهائي انطيني للاؤوف
صعدوا للسما وياك اليكرهون
وانه الهسة اعلة جمرك ازحف زحوف
خلص وشلتة صبري بكعبة الشوك
وصفة ومروة العشك شبعن علي طوف
بحرام العشك شافوني اشك جاي
اكفر بالعشك والوادم اطوف
اكرهه الدمع حتى بوجنة اعداي
واذا يبجون اغلس جني ماشوف
اجبرتني بعين امس خليته عريس
ويومية الوجنتي تشوفة مزفوف
لجلك عالكلب دست وعلى الروح
وحظرتك عالارض ماتقبل ادوس
تهدة يجوز باجر ميز الي اتصير
وعلى اشفافك الوكح تنصب كوس
