اريد احلم
حيدر حطاب/ بغداد
اريد انشاف شدني بضهر عينك شوف ؟
اريد اقنع صدك انسان بيه الدم
كافي انضم
كافي انضم
كتب وبخانه كلها تراب … تتألم
حرامات اندفن مابيه واهس موت
بيه هواي من واحد صدك يفهم
ادورلي جنح ما شاف لون الغيم
حتى بواهس من يطير يتشيم
احاول من كلب ولسان اريد اوصل
الذاك الصوب اريد براحتي اتحلم
اريد اصحه الصبح والگه بفراشي وجوه
جنت اتمنه يمها اكعد واتعلم
اريد اوصل واسمع الناس
يحب روحه الورد مرات من ينشم
تره العايش وطب سرداب
تكتله الخنكه ما يشتم
كالوا عالشعر ؟ مابي بخت مكروه
هو انتم عقل ما عدكم ويفهم
واحدكم سطر ما قاري بالقران
شلون يفك كتب للشعر لو يهتم
اريد احلم
اريد الكه السمه من فوك من يالون
كافي ابقى بمكاني وكاعد اتألم
