بشار المشهداني

وي متفوت بالي الوادم يعرفون..
هي الدنيا صارت حظ..
الحرامي ايبوك شو ماينلگف چا ليش.
اول ماابدي واصفن عليك انكظ..
صفيت اصبع بچف ندمان..
ولان يابس أكسر سنون من انعض
رجيت هواي لكن الله چان افرض
انة خليت عيني بعين كل الناس
وراها اتندمت بس الله ماغمض
اضم سرك چنت نجمة اوية نجم الليل
وتضم سري گمت شامة بوجه أبيض
رايح وين؟
اكو ايماشيك حتى ايضوگ
واكو البطران
الحية اتذب هدمها
 وبعدة مامشكوگ
اكو اللي ايفرك اعلى السوگ
واكو اللي ايفر عليك السوگ
عفتني انت بدرب بس الله بي ميخاف
لابي عرفة لاولفة
وگبل بعد المواعد من نرد للبيت
كلمن ناسي اصابع صاحبة بچفة
صوت اصياحي واصل وين
واليباوع بوجهي الشفة عالشفة
واسولف وية روحي ايجوز,,,,,, (نصيبي اتصير)
(دنيا اتدور)
عادي المستحيل ايصير يركض
واگف الناعور..
علي تزعل؟
وتباوعلي بزوايا العين تكسر
 خاطري المكسور
يلتنام اعلى روحك انة وي لهلال
وكل محني الظهر كتال
مثل القوس والشاجور
ويلغررك شكل غلطان
السراط ارفع نعم لكن..
فنة اليمشي عالساطور
شايل طيب اذا توكع سما ايضل
 بالي عالعصفور