احمد سعيد
بسم الحب اســـــــمي وبسم الاشواك
تحــــــية طـــــــيبة ودخـــان حسرة
امابعد,,,,,,هذا الــــــــحال بجفــــاك
حته امنرد اكـــــــتبهه حـروفه مرة
ضـــعف جــسمي وشبيه العود ظليت
النـــــسيم المـــاله نــيه يهب يكسرة
امنحط ظهري اعله حايط تسأل الناس
منو الكاتـــب على الحـــيطان ذكرة
وصلت لحـــــال موبس جسمي تعبان
كامـــــت بالعـــقل ماتـــــــمر فكرة
خيـــــــالي الــجان واسع قبل متروح
ابشـــــــرك كام يحسد زرف الابرة
وخلكي الجــــــان اطول من الافراك
الجان امن السهـــــــــل يلزم الكمرة
وصل بي حال يصعد فوك الاحروف
اذا منك رســـــــالة يريد يقـــــــــرة
اختلف كلـــــشي بغيابك حته الاطيور
اليمر فوكاي احـــس منطيني ظهرة
امنباوع عالمــغيب بوكت الاغروب
الشمس حــــسبالي واحد بيدة جمرة
نظر تعــــــبان..بس من جنت وياك
اشوفن نــــــية المــــــــقفول صدرة
مرة لوحـــــــدي واندكــــــت الباب
كلت بلــــــــــكي الكَلب واحد يسرة
بخطـــــواتي لحـــد الباب حـــسيت
معاناة النـــــــــــبي من راح هجرة
خلص رمضـــــان والشمات عالباب
شلـت العـــــيد كله انــــطيته فـطرة
رادو كلبي يستـــــــــــسلم بالــفراك
ويرفــــع رايه بـيـضــة ويــحسم امرة
وكلت يارايه بيـــضه وكلبي بجفاك
بلــون الرروح رافــع رايه خضـرة
بمكـــــان اول لقاء البين الاشـــجار
واكف وادعي بســــمك جني شجرة
ويسألني الخريف شــعندك يطـــيح؟
اضم اســمك واكله جفـــوف صفرة
ردت أنهي الرساله اندكـــت الــباب
وكبل صوت اليدك شمـيت عــطرة
حته النـــــفس كام يثكل الاجـــــدام
وصلت الــــباب مدري شـلون قدرة
