مصطفى الساعدي
خيلك يازمن بس ارحم العشاگ
حقگ ما ضگت اي طعم للفرگه
شلت نار التفگ تبرد جهنم بيه
بس ياهوه يحمل نارها الملگه
عافاني الأله السويتله الميصير
شنو ما بيها حوبه حرورة الشبگه
من سولفت ضيمك خجل منه بليس
وحاجيت الهوه حسسته بالخنگه
تره والراد يمشي يروح خل يروح
خسر هوه الخسر چي مثلي ما يلكه
آنة اتخبلت تعرف خبالي شلون
مثل شيخ بمضيف وينوخذ حگه
گبل جانن اطيوفك رافعات الراس
چا هسة شجاها طيوفك مدنگه
تتلگاني اريدك حتى يحلى الشوگ
مثل ملگه الخريف لطيحة الورگه
اذا مايمر عطرك عالرئه تختاض
تختاض وعلي وزيج الهوه تشگه
