جمال الازبجي

الحلو مو كل سهل
أحلى القصايد شعر
من تصعب الكلمه
و مو كل صعب مو حلو
جرّب حلات التعب
من توصل القمه..
العنده يقين بجرح
ما يشتكي من الألم
لو ما كثر لجمه
واضح جواب اللغز
المات مثل العدل
بس وين ليفهمه؟!
موفد عجيبة النفس
مـا يشعر بلذّتـه المـايكدر يشمّـه
مرّات أحصل ألإلي
وألكه الإلي مو إلي!!
وتحاشه ما لزمه
من النوم جبت العمر
وبهاي أنه كصّرت
ما كمّلت حلمه
بين النفس والشخص
مرّات تلكه فرق
لا تغتر برسمه
جيب اللي يحجي بكلب
ومن يمشي فوك الصخر
يترك أثر جدمه ..
يم باب بيت العشك
موعيب لو دنّكت
واكعد عمر يمّه
بس شتكل للذي
واكف صرح بالعشك
ويدنّك الخصمه
ورتاح ما أحترك
لو يمّي صار الطعن
وتونّس بشتمه
جمّار كلب النخل
 والوادم ترجمه
لو إلك جان الدرب
 لتكول كلشي انتهه!!
حسّب حسابك عدل
خاف الهوى يهدمه
مو بالكباره الحجي
مرّات تلكه طفل ..
وحجايته بحجمه
واشكد جبيرة السّمه
وتحتاج لزغر فضل
لو ما الفضل تعمه
ساعة خسوف الكمر
جا تاه درب السّمه
لو ما ضوه النجمه
وميهمني عنّي شكلت
شما زاد ذم الوفي
تعنيله كلمة مدح
لو فارغ يذمّه