علي خلف
انه دمعي بلا كلب يبجي عليك
تمرد اعله الجفن ما ظن ينصلح
ابكلبي ظل يتلاشه حبك بيه مات
مثل موت الليل وي جيت الصبح
سرك بعيني سهر مر بيه ليل
من تجيني الشمس سرك ينفضح
باقي اثر ضحكه على شفافي تعال
الفركه بس دمعات ضحكاتي تشح
انه بيت اهموم صاير جرحي باب
لا تدك الباب جف ايدك ملح
امناوب جروحي عمر يدعن عليك
بكل مسيت جروح يدعيلك جرح
ماي منتظرك تجي شو ما اجيت
لا تموت الكاع تتيتم فلح
روحي فراشه اعتنت ملاينه شوك
ليش ورداتك خذن دور الرمح
تمر سجينك هوه وشهكه حيل
وانته تشتم عمري ودكلي انذبح
انه زارعلك ضحك ملكه وحنين
وانته زارعلي خناجر للصلح
عفت جرحك جاهل روحي ومشيت
بيش اقنعه بيا عذر وشكد يلح
حته جيران الجرح صاحو عليه
عمي خل نرتاح جاهلكم وكح
اجروح عدنه تريد ترتاح وتنام
الله ما وصاكم بسابع جرح
