محسن الدخيلي
دوريت
سنين عمري عليك كلهن
دورتهن
وحده وحده
ومالكيت
ودوريت
اوراقي وبيوت القصايد
بيت بيت وجان طاريك
يمر ليليه بيه
شفتك اويه اوراقي جلمه
وشفتك عذيبي ويه نسمه
ونته بس انته حبيبي المااجيت
يالذيذ الروح وحشه
وداعتك
وحشه الليالي
اشكد الك عطشانه روحي
انته تدري اشكد احبك لو نسيت
اه لو تدري حبيبي شكد احبك
ما نسيت
ياحنان الروح ياطعم الزلال
القصيده عليك
تسالني شكول
اختنكت حروف القصايد بالسؤال
الفركه ضيم
او فرفحت روحي اعلة شوفك
كافي يمعود تعال
سنيني ذبلت بالسوالف
ماهداك الله وتجيني
الدنيه ظلمه
ومشتهيك بليله وحشه
مشتهيك حجايه ترفه
مشتهيك بعينك اغفه
رموشك تغطيني وادفه
ياامير بكل ليالي الماتنام
تدري من شفتك حبيبي
من حلاتك
كمت احب روحي التحبك
تدري من شفتك حبيبي
الليل شو صبح نهار
وتدري من شفتك حبيبي
بسمة شفافك طعم
بوسة حبيب
وبوسة العشاك خبزه
ونعمة الله
وياهو ما يتمنه نعمه
وتدري من شفتك حبيبي
خزرة عيونك
بعدهي براسي
مكتوبه قصيده
وخضرت باوراقي نغمه
تدري من شفتك حبيبي
عيونك تكلي تعال
وانه شاعر
هيه دنيه بلا عشك
تسمه دنيه
لذة بنادم حبيبه
وهيه قسمه
وكلمن وحظه ونصيبه
