امجد الدراجي
اريد ارجع للمناغاه
واحط اصبع على الشفه
افزز ضحكتي الخرسه
واريد انشال
كدما شلتـــك ابالي
واحـــط جناح للونسه
واريدن جف يهزهزني
عكس جفك الهزيته
وكلتلي اتوكل وانسه
اريدن ناس من ابجي؟
تسوي شكم نذر لله
اذا ينصه الولد حسه
مو لمن جنت يمك؟
تجيب مرايه مكسوره
تشوفني الوجع نفسه
لدورك والله ماائيس
احط منخل بنص منخل
لحد ما تطلع شويه
كون الخجل يرجعلك ؟
هذا الجان من واحد
تجيه نسمه يفتشها
اخاف ملامسه بنيه
واذا مايلكه هم يسأل
يدك بيبان منطقته
اجت يمكن غلط بيه
يريت الشككو بيه.
تكلهم عايش بروحي
بعدني اذكر محاجيه
كلهم سكن مكحلتي ؟
امن اريد اتباها بعيوني
اخطنها بمعانيه
من تيهتك بروحي
كلت الــكاه
مدام اسمع طــــواريه
يبلكت لعبتك خنكه
واشوفنك نفس خاتل
ورى حيطان بالريه
