حيدر هدام
لاتقارن جرحك بجرح الفقير
ولاتكلي الشوك عني شبدله
وشيلهه الميت هله لمن اجيك
ويل الفقير منيلك ميت هله
يالكلتلي شلون حالك من مشيت
شلونه بعاشور قابل كربله
فراك وجهك وحشه يالكلك حنان
مثل وحشه ليل بفراش ارمله
انته مو ماجيت بس اني استحيت
الغيره من تصعد يصاحب مشكله
عاد جان الليل يمي وعندي بيت
انام بس اثنين نكعد عائله
اخ شحجيلك شكلك من لكيت
حافر الدمعه على وجنه مدلله
روحي شكت زيجهه وكلش بجيت
لمن طك زرار زيج معدله
