صفاء الصمت
يم افيايي فيي الليل خجلان
واطيب الشرجي لمن بالحجي انجاب
مدري شلون خلصت واني وياك
عشت موسم براءه بسد الذياب
يطغي العطش بيه وماكلت ليش
وانه باربع فصول جفوفي خنياب
شجره ومن يمرني الفاس احنيه
فشله اتسمه كاطع رزق حطاب
وذا حط فوكي طير رويحتي اتيه
متفكر قبلها اجم غصن حاب
اضحك والشمس تحسدني مرات
رغم ما كل كتر من عندي سرداب
عزت نفسي كسرت واهس الجوع
كدام الشراع اجم بحر ذاب
شمالك يالهوه ماكتله فد يوم
مااتفس اهون من الاسباب
بس وياك مدري شبيه محتار
تثلمني ولبس عزتي انكاب
شما طالت مسافة فشلتي تهون
من حكي لضحكتك شمرة احباب
من خلص كبر فركاك العظام
ركبت الهوه وجيتك مشية تراب
يم جرحك اعزب الريتي بناي
واخرب لخاطرك طعم الهوى الهاب
اتوجه اعله ضلي وحملي مرتاح
لريحك جنت فاتح ظهري والباب
بيه اجم نبي رجعته خجلان
الصنم البكلبي تاب.. وكلبي ماتاب
اهد جرحي نهر متحزم بطين
والجمه بصورتك كلما يضن .. طاب
يالبرحلة الشامت شادني متاع
اكل بيه وشرب مالذ اله .. وطاب
وصفه جسمي حلم دخان وبريح
واله لون الشمس من كل كتر ..طاب
وغريب اعله الجرف كادتني الايام
وانه بجيد النوارس حصه ليه
ثقافة شعبية
