علي الصفار

أصابيعك اتمشط
 بابنه بيا لون ؟
يا ماي عله طولك طاح
 لم كل الخضار عليك
يا شباچ مشتم هو قمصانك
حچتني البوب من رديت
ساكت واني المغنيك
ورث لليل بيه
 وطيفك البي ماي يجري بعيد
ولا طاري اعله شباچي
 يرفرف بيك واشتمك
ولا گمره اعله قمصاني
ولا نجمه التطيح بحضني واندلك
تتيهني وانت التندل جروحي
ومن تشتهي تبوگك
عين تندل تختل بروحي
وهذا انه من اريد اشتاگ
 اشتم كل حچي القمصان
واحب لوني اليدليني
عله صدگ الطين
واحب الباب يشرب
وگفة متانين
واحب الناس من تلبس
 هوه النهران
وتسولف خضار الگاع
وتضوگني بخت التين
احب اليندل جروحه
ويلبسهن بياض حسين
اصغر فوگ كل چف يكبر
ملاگه ويبللني دفو معرسين