مهند الركابي
المايشتم هوى الشباج لايفتح روازينه
المايدري عله ياهي يموت
طيش يضيعن سنينه
وانه وليلك المبراد نكعد لصبح ماجيت
وسولفناك شيب واخ وتبديت
والم روحي اعله طولك بالضوه
من يموت بلكي استاهدك كمره
ودورلك عذر ماجيت وانه ادريك ماتبره
يشبني الماتجي واغتاض
وحرك كل مراسيلك
وفك عيني اعله كلشي الجان
ولكاني ولاشكيت قاريلك
يالمدوهني لاخر ليل افز وتناوشك نجمه
وسيس مشتهاتي المشتهات
الطيف بلكي طيحلك جلمه
وخم عتبت فراشي بحظن مامجيوس
واعبر كل سما متاناك
يلما كوطرت نسمه
وارد وتلفتك جلمات
من تثكل وجوه الناس
اثاري الكاس من يتبده ينشم كاس
وثاري الماعطشلك ماي
من غيرك شرب مايه
وثاري جم وجه ينباك
من تسولف مرايه
يالمديني حد الطين
افزلك جم هله من يفوت طاريك
وثمل وين ماصح
ماي يدهده بسواجيك
سولفني المطر من طاح
يم عتبت روازينك
وكلت جفي الشمس
والحيل مامديت جفينك
وغنيتك غنه البطران
وادري مناطرك متعوب
وتعداني الفياي سنين
وادري بلهفت المشتاك
من تعطش فياي اذوب
وادري بصوغة البيبان جف عزاز
وادري بنادم من يته
متروسه الدواره اذنوب
كل ذني وبعدني الكاك
كل مافتشت روحي
وجذب سوالف الماجيت
وكعد للقطار بحيل
وسير عل المحطه بنيت متانين
واعبر كل نثايه الليل
وجيسك من بعيد هواي
وانته هواي
