قاسم الرشيدي
اشبیک ماتفتح عجدتی ؟؟
ولیش من انه وصلت خلص مرادک
اشوچدت بیه
وگمت شدیت حلگ الجربه منى
وانة عطشان الحنانک
شلون من مدیت ادیه
اتضم ادیک
شلون ماصحتلي نثیه تغنی بیک
ولیش
من نزلت گمرتک ماشفتني
یاهو گلک لو نزل بیه
عشگ ماراح اطوفک
ویاهو گلک
لو یطگني العوز احوفک
یصعد الالحاد بعیونی واشوفک
لیش تشمر عالشمس
چفیتک وتخنگ صباحی
وانا متوکل علیک
ولیش ماداریت دربی
وانا خبرتک اجیک
امشي وعکازتي تضلع
مثل ماعمری یضلع
امشي و بیه النفس بلگوه تطلع
سامح اچلمی
ومــواویـلی
و غنــای
مد ادیک وامسح الشیبـات
خل یرجع صباي
مد ادیک ارحم وحدتي
حطني شمعه بمگبره
یرجفنی خوفي
لچن لاتخنگ ضواي
