محسن الموسوي
اتنفس خضار الغربة بس مخنوك
بعد دخانك بصدري
ومن شارعنا يامه بعيني شلت تراب
بچيت اشكد عليك وماقبل ينزل
ومدري ليا كتر انطي الوجه محتار
الجنة بلا اهل چم سالفة وتنمل
ويامة تضيك بية وما اطيح اباب
واكابر بس ملامح وجهي تتوسل
وتظل تاخذني سجة لوم ماتخلص
وعيون المحطة البيهة امر تكول
شجابك مو جنت يم اهلك مدلل
وامانة الله محد ذلني يحترمون
بس باللاوعي من احتاجلك انذل
اريد ارجعلك اشتاكيت
العمر مثل الورد من ينكطع يذبل
وكالولي الوضع مو زين
وانة ادري
ومو من الوفة من تضيك
اشيلن جنطتي وارحل
اهلي ولازم وياهم
حلوة ومرة اتحمل
يلايم لا تگلي شجابك اترجاك
لا گلب الوطن يسمعنا وانة ازعل
لان ادري يحبني ويما صحته بليل
وجاوبني هلا متانيك يمته تعود
مابياش اشوفن خدك مبلل
وكالولي اليعوفك ياوطن يرتاح
واريد ارجع واگللهم
اليحبك والله يتبهذل
ولا ادري اليعوفك هيج يتبهذل
