وسام قاسم سباهي
جم تابوت سافر من حزن روحي
وعبر بجنازة الياريت واتعده اعله وادمنه ؛!
اوكف جم طيف بعيوني ودرت عنه!!!
من عدهه ودريت بثكلة المجتول
تكره صوغة الحنّه ؛!
شنو الممنوع والمسموح كللنه !!!
ليش الخالقه امن الطين من
اندورك ايذلنه!!
اخذ آدم لوين تريد..
اصلبه ابرزخ التفاح..
بس اتردنه للجنه!!
اسم الله اعله الجنازه المالكت تشييع ؟
اسم الله اعله الكلوب الجاسها التوديع!؛
وداعا” ياحبيباتي العشـك للبيع…
وداعا” يادرب ياشوكنه لعريان …
الما لابس عمامه يضيع!!
وداعا” ياعلي. الحبوك
ماحبّو مجانينك..
زغرنه بعينهم ونكول بلكت
نكبر بعينك!
صلينه اعله موتانا ونسينه
انصلي عالعدلين!!!
نوكف وين
!!مامش كاع تشبگنه
الخرايط عاهره
ونستحي نعوف حسين!!!
سيرنه اعله كل ديره ولكينه
ارواحنه متيهين!!
مانندل مضايفنه ..
ولانندل ملامحنه وجناسينه
ولانندل حلات الطين !!
اهو الماخوذ من عنده الحجي المملوح
بيش اتعوضه الحجايه!!
تعالي وياي يبنيـّه السفر ينباع شـرايه ..
النبـي يصافح جفوف الغيم
من تنزل عليه آيه!!
العشگ ثوبه اعله كد شيبي!!
وفضحنه اسرارنه وسترتنه لولايه!!
ونسينه وجوهنه ودلتنه المرايه!!
بنادم ينشرى بنيته!!
القصيده التشبه النواب
ترچية شعب يعشك عراقيته!!
جزاك الحلم واتعده!! …
يالمغني اعله كل مذبوح
نحرك ينكطع لوسيفك اتبده!!
على النجمه اليدور الشوف
مايلگه ضوه بكده!!
