محمد خشين
بينه شكد حزن ؟ونكول مرتاحين
رغم قاسي الزمن مايوم ركعنه
فقره بكل سنه نلبس شهر رمضان
ونجي وي الناس بس العيد ينزعنه
مانعطش لان بكلوبنه العباس
ومن ماي الشريعه تهل مدامعنه
اعله حيطان الندم دكنه التعب بسمار
بس نترك اثر لو راد يشلعنه
بجدم متواعد ومشتاك نمشي لناس
نتلكه اليجي وحته اليودعنه
الغصن لو مات واجب نوصل العصفور
شعجب محد وصل عتبت مواجعنه
ترجينه الوكت يوم الطفوله نعيش
ما رجع اليوم وقرن رجعنه
وتعدانه الكبل يحلم ورانه يصير
لذلك حيل كام الدنيه توجعنه
فرص ضيعنه شاغلنه الطريق منين
لكينه الدرب لكن للاسف ضعنه
اختلف كلشي اختلف بالدنيه حته الناس
النشد جروحهم والطيب يدفعنه
هبينه وتلاطم بينه روج الغيض
لمن فسرو ذله بتواضعنه
