علي ناجي
أشما أيلاگيني هوه
أتسبگله نسمة مخنوگ !
أشتمهه گوه وتنعگد
تلتاف بيه شما رخص بيهه السوگ
حظي أشتبهه بيه وعثر
زفيت روحي بكل وجهه فرحت غشيم
من ينحچي أگباله الحلو ينوش الضوگ
ضمتني روحي بنص خلگ حسباته بير
تاخذني غفلة السكته وأحتار أشيصير
هيچ أعله طول ال راحو أعيوني أتطيح
بين ياخذني الدمع بين شلون ؟
أچفوفي خرسة وكل گفه أتحسه أبعيد
من تنحچي ال (مرولي) منمر ! أتزيد
أتساهلت ويه المشو،
بس غلطة چانت بيهه ” حل”
من أوگع أبسدهم يوگفهم عيد
تاليتي عيب وخضرت يم شمات
مابيهم أملوحة بخت !
أشما يفز حيلي أبوجه روحي أتبيد
لاحتني شمرت خوف شي ماصليت
من ذكرو أسم العاشگه أنطر البيت
گالولي عنك ماغمض عدهه الليل
گلتلهم اليشتاگ كون أيبين
گلتلهم البيه زواد مايبقه ينوح
عو بسوالف ناس هو أحنين
ماظل صبح بخدودي ورداته أتعيش
اليزگيهه وشل مايته ووشل شوف.
