حامد الشمري
جمعة وسبت عطلة اتسوي الاسلام
وعلى كلبي المصايب لملوها
كبل بس جمعة جانت تكضي بالموت
سبت منين جابو كملوها
لو يدرون الها شكثر اشتاك
چا عشرة محرم داوموها
***
تكلب بالجريدة جفوفها الحلوات
وذاك اليوم جانت قاسية علينه
مو زينه الاخبار الصادرة ومأساة
ومن كظتها كلها اتحولت زينة
***
نخاف عليك من عيون الذياب
بوسط عين المحنة انضمك انريد
ياأول حزين بعالم الاه
من رموش عينك نكط العيد
***
حاجز لاتخلي الباب فد يوم
من عين البشر لاتنحسد خاف
يبو وجهه اليشع ياباب اليفيد
سور الصين لو خليته تنشاف
***
حقي من اختصر وياك بالشوف
مو سهلة القضية وحيل خطرة
ظامي وخاف اخلصك من اصد ليك
لذلك كمت اشوفك قطرة قطرة
