مجتبى المعن
أعكدت سري ومشه لغيري سرافيل
اعله جسمي من درت وجهك سرافيل
يلاهي بحق علي دآمر سرافيل
أينفخ صوره ويلف الساق بيه ..
………………….
أكثر من ربا اولادي مطرباه
مغيم جفني بغيابك مطرباه
كليط وكضو بنيته مطرباه
الخدم تستنكف تصب جاي اليه
…………………
عفتني وحارت الدنيا بكصتاي
عتيج الخيط ما يتعب بكصتاي
أثر غم جفي لهسة بكصتاي
لجفاك ودار عشر اعوام اليه
………………….
جفه ودموعي وسط العين ماين
كضه ون الكلب بجفاك ماين
كشيخ بليل اله بنيات ماين
بخير نهبن كذا فركاك بيه
…………………..
ليالي اجفاك وهكن كصبجني
ذبيحة,ومو بهيدة كصبجني
وعلي يوم العفتني كصبجني
الهوه من ايهب يطخ الكاع بيه
…………………..
لغيرك شوف فص العين ماياع
مشيت ومنجنيق اكفاي ماياع
يمر طاريك واصبح شمع ماياع
حطب حركة نبي ابراهيم بيه
