ضرغام العفلوكي/الديوانية
حد الشوف
يزغر ياحلم جان عالطول اصباك
وشمرت حجايتي
أبير السوالف واخدر بنسمت هواك
تنبني بروحي محطه
وريل شايل كل حلم
مات بجفاك ..
توكع دموعي خريف
ودنيه صفره
وروح محتاجه لربيع
وياحلات العمر عشرينه
وحسافه شلون بالمامش تضيع
من حدر في الخواطر
اطلب الكلمات دين
كلمه رايد
بلكي ترجعلي ابتسامه ومالكيت
وايست لمن درت انت
يالماخذ ضحكتي وكعبه للدمعه بنيت
من اصيحن ااه اسولف ناي
لم حضني
التبدى فوك حضنك ماي
نمسح كلشي الكتبته وياك
وال الله وياك تمشي وياي
برد خلك الخلك
والحلك شارب موت
بعت صوتي بوكت ماجان
بي سعر التعال بصوت
حضن خالي وجفن ذبلان
وليل مضيع نجومه بسعر شمعه
ومثل روحي مثل شمعه
تشرب نار توهب نور
لكن تخلص بدمعه
الكصب لومات
ويبس عرك الندى بعوده
يخضر فيي يلم ديوان
بوسط روحه يعيشن منقله وجمره
ودلال وكمكم وفنجان
النهر تذبل طواريه
اذا ماشال صيادين
اذا ماباست خدوده شفه المردي
وتوصل اووووف حد الطين
افك بيبان مصباحي واكسر الليل
لجن هالخطوه تشرب حيل
وضاع الحيل
ابتسامه بنص شليل هموم
واحس باجر شبيه اليوم
