محمد يحيى الكعبي
هلي مرو على الدنيه وحلت بيهم
توضت من شذرهم لون
صلت والتهت بيهم
هلي حنه بضمايرهم
حنة گاع متوضيه بسوالف ثار
هلي صولاتهم تنزار
بظهرهم خلو الفيّ
من اجن جيلات
مايبرد صدرهم من تحط ساتر
جذرهم حار
ولايحجي بوجهم خوف
ساوو شوف المرايات
يزف وگفاته ويبرّد هوه الرايات
مشو والنيه نية خير
صوت عيال مايطلع
وراها يطول عمر الثار
هذا الثار مال احلام
وره النيه ابتسامه
ودمعة مالت شوگ
ورفعة راس مال خيام
عبرو للنجاة بروح تهوه اشراع
ماخلو جرف منهم يصيد خيال
خافو نوح يتعطل
ومامش للسفينه حبال
عافو كل هوه اليمشي
ويلاعب گذلة الخضره
ويسولف للذنب واهس
فعلهم سجله الماضي ثگل قران
وفعل الغير يتغنه
الدنيه ولاطعم بيها
شحلاة ملوحة الجنه
رساليهم تگرب ريحة المفتاح
ذاك البالخضار يطوف
ويعلم مشي النهران
حته تلاگي جية الدم
الحلم كل ماكبر يلتم
وهلي طشو عله الحگ
ماحظاهم ليل يلتمون بس بالطيف
دمهم مايخليهم
هلي مروا عله الدنيه وحلة بيهم
