حيدر هليل / بغداد
من ورى الشباچ عدنا اعظم لقاء
مـــــانركز چي تدّمـــع عينـــــــا
واحنا شفافين مايشبهنا جـــام
الله يمكن حـــاط روحــه ابطينـا
منين اجيبن گـــاع ماتبعد عليچ
كــون شبريــن المســافــة ابينـا
ليش عند الناس من يمشي بطيء
واحنا چي عشـاگ يركـض ميلنـا
احـنا متأخرين چي مسـتعجلـين
نريـد نتشابـگ وتگضي اسـنينـا
ابــد مانــصفة على راي مسودنين..
حتى مـن نـرتــاح يــنـهد حــيلـنــا
اكره الصبحية چي تگضيها نـوم
بـطول شـعرچ كون يـطوول ليـلنا
عاشگتني وعاشگة الله وحقي أغار
احنــــا متــفـقـين بــس اثـنــيـنــا
لأن نـــتــأذى ســوة نـتـمـنى كون..
للنـجــف نــفس الـجـنـازة تشيلنــا
يعدل ألطف من اكض شباچ امام
ناخي مدري شچم كـنيســة تعينـا
أمـي جـوة عـيونهـا يـزيـد الـسـواد
كــثر مــا ســهـرانة بـس تدعيلنــا
ربـي نـصف الدين يكمل بالزواج
دَقـٓنع أمـها وخــل نـكمِّـل ديـنــا
