ليش الماردتها !
تشوفني بكلشي ؟
واسد عيونها وتندلني وين أمشي !!!
أذبني لوين ؟
والگه الطين مايلحگني حد رمشي
عشت بين العرف
والماعرف سري!
ولگيت البير،
سولفني لصدر الماي؟
بالماشافهن صــدري !
يمتن اللّيل نزلني .
اشتهيت الله وعفت عمري
لمت روحي
ولگيت الناس موهيهَ ؟؟
الأمس بگرابهم ظهري
يروحي  الناس
جن شافت سمار التين بيّه
وهيچ تندلني
وي روحي الناس لحگتني
لان شافتني خوش اجتاف
وي مجبوره حبتني
اوكول اتهون . باجر أغرگ
وتلگاني فزعت جف
غشيم والمادريت الماي !
سهل يلاح من ينشف
وهم تهون
وانكت بالي عالحيطان صوره وماي
بس الگها ضلم وطف
ولاتنسون باجر كلمن وحفره
وترى البي زود ياخد زينته الكبره
وباجر تشتهوني اهناك
ملح وزاد والگه العافيه مخضره