سد بيبان گلبك ﻻيجي ابليس
ويوسوسلك اخاف وعقلك يدور
گلبك نفسه ذاك الچنت اغطيه
شافه الغير لو ليهسه مستور
عابس ساعه وحده وذب الهدوم
عشرة يوم بس مو عشرة شهور
شجاك انته وغفيت بحضن الغراب
عگب ماچنت تغفه بحضن الصكور
طبعي وياك چان يشابه الطين
من يعوفه مايه اصيبه الفطور
اگبع دمعتي بجروف الخدود
اخاف اتشوف دمعي عيون عصفور
يمر طاريك بيه واشتعل نار
ذبيحه بيت حاتم ﻻزم اتفور
يمرني النفس شاب وشاد الحيل
ويرد شايب فقط لو داخلي يدور
تعال اعيوني كعبه ودمعتي اطوف
واجاني ابره فراكك وانته مسرور
شنو وي الخذاك تعيش مرتاح
عجينه وزفتك نيران تنور
الهوى بسمار احسه ابريتي يفوت
تعال اچم ضلع بجفاك مكسور
مثل عاجر صرت تتمنه الاوﻻد
وكضي اسنيني كلهن بس للنذور
چنت وياك عيد الاضحى يفلان
شجاك انته وصرت وياي عاشور
اون لفراك شخصك ونة ابليس
اذا كافر يمرهة وذنبه مغفور
ثقافة شعبية
