امجد الدراجي
لاتسال عيونك. ليش ناسيهن
لان كلش كمت مااعترف بيهن
نظراتك توفن باوعن شخصين !
وماسوي اربعين الهن واعزيهن
انه اعشك صدك واتفارك بصدكين!
واهجرهن دروبي الجنت. ماشيهن
اذا عندك عتب لو درزن حجايات
مايسون بعد. واحسن تخليهن
اعرفك راح تاخذ غيبتي من تروح
وحجايات مرة بظهري تحجيهن
راح تكول جان وياي مو وفاي
شبسرعه السوالف كام ينطيهن
كلش عاذرك ولخاطر الايام
كلما ارد اجاوب عتني ماضيهن
ماريدك بوجهك ساد البيبان
واذا لحيت اسمعنك سراكيهن !
لحد مااخلي صوت الرزه عاش وياك!
وكل امالك المبنية يجفيهن
انه نورس واذا صاحبتي شافت طير!
بالصدفه وغلط. واعرفها وادريهن!
احسها مطلگه وابيت اهلها تعيش
والغايب انطيه للشط واسويهن!
حالك حالها هم تعتبر مجيوس!
وطلاسم جسمك انعرفن معانيهن
غريبات السلف. قهرني اذا حسيت؟
نسمات الهوى يهزن تراجيهن .
سلملي! اعله كل سوالفي الجواك
واذا يستبردن بالك تدفيهن
ترا يتحسسن من الدفو المطروق !
خلهن انه اشوفن. حل واغطيهن
ميزتك تره ! عن كل وجه موجود
بس هسه الوجوه.وياك اساويهن
باوع ساعتك. كلي شبعد وانساك!
عندي سنين وكفن رايد ابديهن.
