ضياء عامر

نشف خلكي اعلة دربچ جف.
ولكيت الناس بية اتلوم
 شيوازي السنطة وي الدف.
ولكيت بمستحة الكمرة.
هذني عيونج الحلوات
شوية شوية من ارسومي تتبرة..
ولكيت البرد بظنونچ.
وصم وجوه سمره مكاسرة بلونچ.
من هاي وعرفت الناس الياشباچ يردونچ.
يبنية العطش نيشان وكلشي بكاعنة يريدچ.
يبنية اشيعرفة البير بسراري؟ومواعيدچ؟
شيعرفة بواهس الحنة.
وذني جفوفج الترفات ابيا كاروك تتغنة..
شيعرفة برسايلنا.
ومسامر جدايلنا.
وياموعد ورجفة التكدر اذلنا.
وياموعد وصدفة التشتهي اتلمنا.
دفهميني.. الخلك والشيب ياهو الينحني ابابچ.
وفهميني شجيب وياي خاطر ينجفي اعتابچ..
شجيب بدربي يانسمة
وارش بالباب جم نجمة..واصلي ويوصل امرادچ
يبنية البلم والراك بجفوف النهر معضد. يبنية الكمر والطيف بجفون اليحب مرود.
وخايف لا يهزني الشوك ادكن كلبج وينسد..
درسيني اعلة غصن وبر.
كافي ابمستحاي اعثر
كافي الناس بية تلوم وفشلتي اعلة السلف تكبر.
خميني..وعرفي شصار. ووديلي بظرف ردچ.
فشلة من انسئل واغتاض اكلهم خاينة بوعدچ.