صفاء الجبوري

اريد اندل هوة الله منين؟
تارس شارعي الدخــان
و اريد افتح حچي البيبان…
و احط الخوف ركعه (بشارب المحراب) !
و افوت بواهسي بكل باب
و افرغ حيره مال سنين
” (شنهو المــــاي و نشربه) ؟!
و شنهو يدور بين الگصه و التربه؟
و شنو من احلام عدها و دمها صاير هيچ
(ليش تصوفر الگصبه) ؟ “
و اهد جنحي بــ(سما المحتاج)
بعد مو مال اصيرن تاج ،
و ارجع لامنيه شذره..!
مو تعبان !
بس چفوفي ، (چف ناعور) بدت ماي ،
بس شبعت حچي و فره !
عشت طينه شرف بالماي
ما حطلي الجرف مرسال
من عدها و عرفت الطين يتبرة
و متت موته رماد النار
ما يعرف يسافر وين .. ما يرتاحله بحفره
اضم أسراري عد يا بير ؟
عدهم گاع تفضح (عثره الابره)
و اشيل غيومي عن يا ايد؟
هي الغيمه ما تنلاح !
بس تنلاح بالمطره
وگعت بديره الفاسات
و اني مهاوش الشجرة
وخذت راي (المروره اعلاج) !
ضگت الوادم المـــرة
وادم تحسد البــــسمار
ما يدرون ، واگف يحفر بگبره.