علي كريم
عمري بطول رمشي ودربي حد الشوف
وخطواتي حلم وبلا وعي امشيهن
اندل الدرب مااظل ورى اليمشون
لان عثرات غيري الخوف ماليهن
انه بصدري نهر والصحره عندي ذراع
البعيدات عله غيري بظهري اخليهن
اشم ريحة آثار الخيل فوك الكاع
اعرفهن واعرف الصاعد عليهن
سوالفهم حطب وبصدري تلهب نار
طلع دخانهن بس استحي احجيهن
وحك حرمة الظلهن ماعبر للجار
الينامن والهوى مايعبر عليهن
بعد خطوة صبر ويدوس جدمي الغيض
واكشّف وجوهم واعرفهن شبيهن
طير البالقفص لايفرش الجنحان
شايلهن ثكل لايفتخر بيهن
انه الفارش صبح يم ناس ماتت ليل
اشبعهم ضوى وشمعاتي اطفيهن
اجي اباب الشمس تارس جفوفي فياي
تكسر خاطري ويم غيرها اجفيهن
انه موشل الهوى بشهكه عله اخوي الطاح
ولهسه انفاس غيري كصار احس بيهن
جرحي شما كبر حاسب الخنجر ضيف
جروحي اعلة الخناجر جنت اوصيهن
اليطلع من كفاي يصير خنجر حوك
ربات جروح خشنه وما مداويهن
حملي شما ثكل ريشه اعله ظهر الريح
بس عيون غيري الحقد عاميهن
الهوى بغربيلي جلّب بي نفس شمات
ثكيله انفاسهم ولغيري اعديهن
عله صدر الشجره تكتل كعدت الغربان
بثكل صخرة بلال تصير رجليهن
انه عيني ضلع ووجوههم بيبان
اشم بسمارهم وعيوني اغطيهن
ماادور ربح عندي المهم مرتاح
جروح الينتجن عالملح يجويهن
النوارس من لكت صدر النهر ذبلان
صرت الهن نهر من عيني ارويهن
