للراحل/ جبار شدود
تاه احسابهه شتحسب..
عليمن تشره وتعتب..
دنيا وضاع بيهه الزين..
وتساوه الگشر واللب..
ناس وعايشه ابوجهين..
حيره شتكره وشتحب..
دفتر صرت للصدمات
واقلام الدهر تكتب ..
يگلبي الدنيا شرجي وياك..
هيهات الشمال ايهب..
جرحك لا دوه ايمض بيه ..
لاشل لا نفع بيه طب..
عمر گضيته كله ابضيم..
تچلوبة عمه مچلب..
ليمته اتنطر إلما مش
واذوب بنار حسراته..
وليمته اتسامر ويه الليل
واتناغى وي نجماته..
حسبت اللي يحب الناس ..
يتراهه على كلفاته..
اثاري ابنادم من ايطيح
إخوته اتصير شماته..
عساك بأرده من هالحال..
وعسى جرحك يگلبي تزيد لچماته..
يلن طبعك طبع هاون..
تجي من ايده طگاته.
