حسين ال حبتري
جرحي مشكلتي بكفاي
ومدري غربه ومدري من ناسي انلجم
ووين اروح
الحاده تضيع وجهه وماتشم ريحة زلم
وسير الما ريده بعيوني وشكول..؟
الجفن كنطرة الحلم
اليوكف بعين الصريفه اجدامه طين
والسنابل عاهر وهزت خصرهه
وركضة شيوخ المناجل مستحين
وانه ذاك
الما أخذ عبره ومشه وي التايهين
وانه ذاك
الطاح حلال المشاكل بيد وادم مبتلين
الحلوه..
صبري يريد هسه يعوفني
الحلوه
المضيعه بعذابي يشوفني
الريه المغزر هوى الله ابابها
تحلم تموت
البيرغ يديرالها وجه الريح لورادت تفوت
وانت ياكلبي شجاك..؟
بلاية صيت الليله اذا بالفقره مرت دافيه. .
وصدفه ليل الفاكده يمر غافيه..
