كاظم الركابي
بعدني اترهدن بطولك واسولف للكمر عنك
وبعدني اتناوش عيونك عذر للناس
واغمض الما لگن منك..
تعال الظلمه تشرب شوف
حوبة كل شمع عثره
تعال الماي من يغتاض
يبهت لونها الشجره
تعـال و گدر اعـيوني
يـ كحله .. الطيف ما يــنذم
واصدگ كل نوايا الذيب
وانه ادري ابـ حچي القمصان چذبـة دم
يا بزر الشمس والگاع
لونك يـلچم الغـيـمه
يـالشايل خضار الناس
بيه امن العطش هيـمه
سـولفني ولـو چذبه !
يغار البير من حچـيّـك
چلمتك بـارده و عـذبـه
يـالبيك الهـلا ابـگدك
بيه امن البـرد لـچمه ..
اشـحلاة الليل من ايطول
يتبده الدفو ابـ چلـمة
و لـيش اتخاف من عطرك !
چـا هووو الورد شيريد
كون ايموتلـه ابـ شمه …
