محمد الشمري
رديتـــــــــــــلك هوســه كصــب
من شيعــت كصتــك نهــر
رديتــــلك شايل برد فرهدته
من في العصر
تلفلفيت بغبشه الله ودورت
كل الوجوه وباب باب
جني مغرب سعفه لو طكه الهوه
وشهكت تراب
الضاكني من بعيد يشتم بيه ليل
امشي واجشفلك دروب
الملكه حيره بير ماوجد نبي ودلاني بيك
منيـــــن اجيـــك!!!
الكـــاع مستحــيه ونشــف ريــج الـدروب
وخلصـــت جــدمــي على طــاريـك نهـار
وسيــر على النهــر لون من الغــروب
والشمــس وشل ضواهه وطاحــت ابيــن
النخل ضحـكه سعـف
وكلشي سكته نامت الرازونه سكته
وجتى ذاك اليل سكته تغطه بالضلمه وتحزم حيله فركه
وبيه ملكه ..وبين هاي وذيج جان الموت شهكه
وغنيــلك كمــر جن حلـم مـال صغار
نبـــاك اليــل منه ولازلف خطــار
بس مشيت وزتيت الجدم مشيه نهر زعلان
ولملمت الكناطر سالفه سكران
باكاه الهوه وطشره صم عزاز
ودورت كل الدروب ..هنـــا يحـــيل
وصحت صــوت وذبــلت حيـل الصهيل
امشي نجمه ليل ويعتني الضوه
وبللتني الكمره كصه ولملمت فشله الماي
وشككت روحي رسايل على الدرب ركضه هوه
وبينــت جنــك هـــذاك
يعيــل بجفوف الصدك للملــكه حيــل
واركـــض بواهــس شمــس ويكضنــي ليــل
انــوب اطيــح واوكع بفشــله اجدام
اتســابكـت وي الدروب
فشــله الضم السوالف بالكــصب ويفضحه ماي
بلايــه صوت
تالي حتى الحلــم من يكــبر يموت
وهيبه التابوت تثكـل بالجنازه وتوكع بطاري اليموت
