تحسيـــن الكنانـــي
الخشن حجية انصحة يغربلة وياي
خاف ازعل واخرب سفرة الريــح
اشكــن جاذبـــية بكـــاع الخـــدود
ناس بعيني كامت تشتهي اتطيح
على روحي من اطب بخلكـ جناز
بيــة ايتــام ماتهــوة المراجيــح
السفينة التبحر و واهسهة مكسور
كوة تكــودهة جفــوف الملاليــح
هذا اللي نشوفة وننعجــب بيـه
مو شكل الورد تعــب الفلاليــح
الشجرة المايمرهة جناح عصفور
على متن الغصن غربانهة تصيح
النهر اللي يجف متعوفة الجروف
على البيبان مفروضة المفاتيـح
ترى الاعمى اليتيه بدربة معذور
بس الاعمى ضمير يتيه الكلوب
البراسة حــزن سولفــله عالنـاي
الميلوح النجم ميحــب الغــروب
لتكلي النخل وصــفـلي عالكـــاع
ترى الكبر جهنم صــيت الذنــوب
الجتف رصعات خدة بحملة تنشاف
ومن شدة ميـولة تقيســة متعــوب
اذا ما بيه مطــر ميونــس الغيـــم
واذا مابيهة خطوة تنام الــدروب
اريد اصحة واصبـن عالكلــب ليــل
وبعد من طاري كلبي النورس يتوب
اكض طاسة جمر بيهة اخمد الماي
واسد الريح خاطر ماتجي البوب
