محمد وجيه
تنسه تهون سهله وذكرى راح تصير
كلت تنساني لكن ماكلت يمته
ماصارت سوالف وانته كتلي تصير
حجيك وينه ذاك المن رحت كلته
الليل وياي عاند ربط روحه بليل
مامر الصبح مدري انه ماشفته
نكل جدام حبله ودنه منهه طلوك
هيج الساعه صارت من مشيت انته
ومو ثالث الخرب حته بيه نلوم
ومو شامت بنصنه وصرنه سالفته
بيدك كلشي جان وكلشي منك راح
جفيه ماي حبنه وفدوه سمعته
بعيدك واعدت كلبي الطفل يرتاح
وكشخ بسوالفك واشعار حفظته
واجاك وما اجيته وطبك صار العيد
جاهل جا شجاك بعيد فشلته
بطرك ليل وجكاره ودمعه والصفنات
لزمن سره براسي وعمري وزعته
اليبوك هدومي مني ما احسن بيه
لان جنت اعله بالي الستر مو وكته
ماشفت الكبر لبوجهي ما حسيت
شايب بيه عايش بالاصح عشته
يادمعه التردك هيه ضلت عين
بس كشخه وجه كل نظر ودعته
غرورك جان حجتي من رضيت تروح
بس ارجع غرورك جني ماشفته
بوكت الوداع ما ادري وعلي شينكال
ممجرب وداع الدنيه ماشفته
بطريق لساني يمك تعثر الجلمات
ودخيله بسد فشلتي طبت السكته
وطلع حجيك ركض جاهل يشوف الباب
انفتح وامه عليه الباب قافلته
شتقنعني السوالف يله تنسه تهون
شيهون الردته منك وانته ماردته
شعدك من كلب دفان يتمناه
وكلبي بشوك اجاك وخالي رجعته
