محمد الطالب
كفني منهم ياكلب كف واستراح
مايمض بيك الدوة وجرحك وشم
عايشين بدونك المادوروك
اصحة منهم وانفض اتراب الحلم
اني دورتك بنصهم واستحيت
وخاف لو كلت شلكيتك تنصدم
وانه ضكت اجروحهم وتأكديت
الالم لاسباب الجرح موللحجم
ومالمحت وجوههم مايستحون
بس لكيت اكلوبهم مابيها دم
ااايه يمعود على الماثمنوك
صايبك ياكلبي وهواس السلم
وانته كل طرة فجر تنصب صليب
وبس يطيح اغروبهم تشبع شتم
ومدري تتراوالي من بين الجروح
مدري هاي اجروحك الصارت جسم
انسة ذوله احباب ياعيسى المسيح
بسالفتهم مايجي لطاريك اسم
وعاين لروحك يكلبي شكد غشيم
كلشي يلمع بالسمة تسمي نجم
