ضياء محسن 

ضحكتلي السنابل من ضحكتيلي

يصوغه ربي للوادم حلاتج هاي.

ومشيت اويلهوى امسافر

جنح طيره ابرذاذ الماي..

وتهجيت كترينج علامه ادلي

كل متعوب بسنينه..

هوه الدنيه ولا سدلي عطر ملكاج 

كون الكالج عوفيه

يطفه ابماي وجهه وسالفه عينه…

اريد اتنيسن ابضلج يسالفتي

يتيم الشبكته ابلا روح

وبديني اعله كل ذمه حجي

 ايريح ضمير الغربته ابروحه .

كل حجي الكناطر ما ايريحني 

اريد اجدام توصلج

 وضيعتج 

وانه ادري ثكيله اسنينج

ابصدري ولكيتج رب …

وحضنت الطيف والتميت 

سالوفه غجر تنحب.

يالمسيره اعله بالي الغيم لوسير

يخردل هيبت الناعور

صديتي اعله فوك المن وشتريدين

مملوحه الصريفه الحاضنه 

الفقره وحنين الهور 

كتلج كل عشك ينهاب لاتمشين 

خلينه اعله كدنه انعيش 

ذوله الناس متعافين 

حته اليل من يلكاله عاشك 

حيل يضحكله 

راويتج الكمره اهواي 

وردتج يانبع مستور محد غيري يندله

وضحكتي الكل جفن سهران وندلوج ؟

وكلتلج كل دفو ايوديج يم الغيم متعوبه 

اشحلات اليكشخ ابلونه .

اشحلات اليطفه بالغيمه 

التجي اوتمطرله بدروبه 

يبنت الناس صدكيني

التشيل العفه مهيوبه

اشما يعتك وجه لبليس

جدد تطلع اذنوبه.

 وانتي الغيمه العرفهه 

اشكثر سولفتي بدروبي 

ولكيتج من عبرت الاه 

جم اه اعله خاصرتي