الراحل/ كامل العامري
ودع دمــــوع الــــصــــبه ..
ويــــن الصــــبه تلــــگاه
الغــــربة دمعة هــــضم
قيـــس وعــــشگ ليلاه
كل ساعه أريدن هــلي
وأنـــحب وأصـيــــحن اه
مـــحــــد يـعــــرف الالم
غــــير اليــــعيش ويــاه
………….
عشب ابصدري الحــزن
ريع ابراسي الشــــيب
والشوگ يترك وشــــم
لو جرحه منــــي يطيب
گــــصر يليـــل الهــــجر
ليل اليــــحب تجــــليب
وديلي طــــارش يــــمر
ياخــــذ الــــروح ويــــاه
………….
انصــــب شرك للحــــلم
وأطبــــگ بجفن العـــين
شمــــام ثــــوبه دفــــك
عاشــــر فــــيايه التيــن
چفــــين كتـــبن ســــوه
فـــوگ الشجر حــــرفين
يغفه اعله زندي الهــوى
وحشه العتب بالعــــين
خــــضر حــــطب عاذلي
واصبح شتــــالي حطب
ماي البــــحر لو عــطش
من دمع عيني شــــرب
أبـــعــــد علي الجــــرف
واركــــض واگـــولن كرب
ويهمس بأذني التعــــب
ويــــن الجــــرف تلــــگاه
………….
نــــار الهــــوى مگـــدره
ثــــوب واعله سنيــــني
احمل ذنــــوب العشـگ
ياهــــــو اليبــــرينــــي
انه ارد اشب وانطفــــي
لـــحــــد يطــــفينــــي
ماريــــد جــــنة عــــدن
ما بــــيــــه چــــلمة اه
………….
دار بخــــيالي الشــــعر
حســــيته يمــــي گعد
نادمنــــي حد الصــــبح
يشــرب واگــــله بعــــد
واقــــريتله من الشــــعر
مــــرينه بيــــكم حـــمد
دمــــعة عــــين الشعر
شـــمني وبچــيت وياه
