ضياء المرشدي
شما اكبر عليه يزود
فضل الناس
وجي طبعي وفي اختاريت
فوك الشجرة احط عصفور
ماحبيت احطن فاس
ولاحبيت اجرح ناس
اسكت عالطعن موخوف
العنبر يشب من ينداس
بس هم يذبل بالياك
ادورك وين اريد الكاك
وارد ارتاح يمعتبر
واريد اشتم هوه من زيج خشم للناس
بي مامر
لحك بيه وشلت حيل واخر عود
بيه اخضر
تره ملتني حته الناس من كد ما اصيح عود
شبيك ارسمني اذا بالبال ماموجود
تره استاهل اتعب روحك عليه
اني الماكسرت العود
مرن طبعي وتحبني الناس
جف عمري وعبرت ازنود
من حطوني بين اثنين ماتيهت
وختاريت
وكت السطر وجهي يضيع
بس وكت المباوس
عندي عشر خدود
تره الذموني معروفين اكلك ليش
التكبر طيبته وينهاب
بعين الشبع ذل محسود
وانه حافضهم عالغيب
وعرف العنده جف طويل من احطنهم
تحت عنكود
بس شعليه اريد ارتاح
وارد اتنوعم بطاريك وذب خشونت الفلاح
بس ماصار من مديت اديه عليك
كمت اسمع بروحي صياح
حاجيني يتالي الحيل اني افهم
حجي القداح
شني تالي التعب وياك
تجي مسير بوجهك يوم وتسير سنه بمكفاك
حاجيني يتالي الحيل خربت الهله بممشاك
كمت احجيهه للمفروض
امشيهم بل الله وياك
اشو عندك وكت جاليش
يلون الحنطه مر بالناس
اكو وادم تريد تعيش
