محمد شياع – بابل
تعبان…
من المدري شنهي وداعتج….
تعبان من كد التتن…
هو انه من يبدي السهر…
ليليه سالب راحتج….
من سولفينه اعله العشك…
من بده لمناطر صدك …
ما فكرت ليش الهوه …
يخنكني من اشتاكلج …
هو انه مو طين اعترف …
تراب واحتاجج صدك …
يا (ماي) بس صديلي…
ويوميه اريدج من وكت…
حبيت وحده وما كلت …
المهم هسه اتاخرت …
انتي عليج احجيلي…
هو انه مشتاك الامس…
اذكر حجينه اعله العرس …
والصفنه صفنه مستحه…
وكتلج امس صفنيلي…
وكالو شتعنيلك كلت …
(الكلشي) بس اتندمت…
(الكلشي) موش هوايه…
والمشكله الغيره السبب…
هو انه حابسه بكلب…
اذكر امس من مشطت…
وكفت ع المرايه وحجت…
بيدي اكسرت لمرايه ….
ما رايد يمسها الهوه…
مره اجتني وفكرت …
امنعها تمشي ويايه…
