ختام الغراوي
يتعب البال
امشي عليك كل غالي
تجيني اتشوفني شحالي.
ابغيابك فزعت كل ذكريات الليل.
اريدك من عيوني تشيل
اريد ارجع هذاك اني
وارد اغلكهه بيباني
وبعد ماريد بيه اتعيل..
تالي الليل كلي وهم يمر عطري
وهم تسأل علي روحك
وتكللهه ولج نطري ..
هم تغفه وتفز اردود
جذب تتوسد وممدود
كلي وياكلب عندك ثلج من طين .!
ياانسان.. تره اﻻنسان دمعة وعين ؟
وتره ضحكة اسنون الغبشة شاهد زور ..
اكابر عالعطش جي بيه صبر الهور
بس اتمعن من تفوت
تشوف بوجهي داير موت
تشوف اثار سجينك ..
تندي اعثوك
ودم الحز عليك يلوك
امعدل موش متهدل
وانه بضيمي متبهذل .
اخذ كل نظرة بيه اتعلكت منظر
عت .. نبتة عشكنه وخافهه اتخضر
يوحشة بيتي وكت غروب
شمعة ليل
ابمنية النهار اتذوب
يترجية حراير رجفة ميلتها
يجلاب الستر يابخت شيلتها
بيك من امي ريحة طين
تنور وبخور طحين..
