عباس العبادي – الناصرية
اثاري النار عزرائيل عدهه الماي
الشجره شما تشوف الضيم تنطي افياي
يا هل الناس
من نزرع ورد تبرد لهات الكاع
احجو بطيب وامشو بطيب
حتی ادموع تمشي ويل جنازه اسريب
وحتى انموت ناس أجواد بينه اجيالنه ايمدحون
أي ياناس لذمون
الضوء ماعاش لحضه بديرة المسجون
الأعمى المايشوف بكلبه تلكه اعيون
وين اروح ؟
وأنه ادري الروج اليعيش سفنهه
وين اروح وحتى كاع الله تخوزر جني كاطع مطر عنهه
مانريد اليحجي بل عباس عمره
ولحضه ماحاجي ويخوه
الملح جي مايشور انه اول من جفوه
صفي كلبك؟؟
خلي روحك خبزه ويذكرك يتيم
وخلي روحك جنه ماتعرف جحيم
الأعمى كل أيامه ليل وعمره ماذم الشمس
واحجي يم عشاك بس طاري العرس
