خليـــــــــك ماتگدر بعد على حمل
مــــن ورك غصنك طاح كل النده
من تحجي ذب احجايتك عالجرح
لاتنكـر انه الصوت وانت الصدى
خلي اعله بالك انت فد شي سهل
ممكــــــــن اقدمه وممكن استبعده
دوّر المجهـــــر بيك ما شاف اثر
لا صــورة عندك لا شفت مفردة
الطيـــــــر حدّه وياك باب القفص
مــــــــــو ما يطير عيونك محدده
يــــــاروحي لتلوميني من احتر گ
كلبـــــــــج نظيف وذاك هو البده
وكت العطش ما اصير شفة طفل
للـــــــسيف ماممكن اصيرن نده
صـعبة المگص اطرافه من يلتقن
حـــــــاول تخلي اطرافة متباعده
الضيــــف يشبع صدك من تبتسم
مـــن تسد وجهك ما يشبعه الغده
ركـز على المضمون والمحتوى
لــــو مال حظك كصبة ما تسنده
وضع الجبل لو طاح مو شي سهل
عالـــــــكاع ماتكدر ترى اتمدده
بالمـــــــاي ممكن تغرك وتنطفي
مــــــــرات ماترهم ترى القاعدة
حــاول تصيب اسهامك اليستحق
شــــاور السهم الرايد اتســــدده
لا يــوصل المجروح ما بي فخر
الــــــــــــزود من يطيح المعانده
الاعــــمى ما ممكن تكرمه بنظر
بـــــس ممكن انت بعينك تساعده
