ابو گلب الخلي جانت تگلي الناس
اشكثر مرتاح ما طايح جنت بهواك
شبسرعة عشگتك واشتهيت الليل
وطفر گلبي وتعلكَ بيك واتمناك
وتجي يمي وتنام وسادتك يمناي
ولو جاسك برد برموشي جان اغطاك
وابو كَلب الخلي يمشي ويسولف بيك
يمل ليله ونهاره وما يمل طرواك
وگمت اشرب ضحكتك وارتوي بلاماي
واشوفنك يغير المستحة بمعناك
وكلامي وياك من عده الفراش ايغار
وارجع واعتذر خاف الكلام اذاك
ومرت جم سنة وبينه العشگ يزداد
انفضح حبنه وبده يحسدنه هذا وذاك
وگتلك ظرفي هذا وتنتظر لولا
وانت الي حلفتي وگتلي عد عيناك
اشو هزو گليبك باول المشوار
ولحد هسه وعله القران اثر يمناك
أنه الخاطر ضحكتك كَاعد ابعاشور
بغير الصورة ما عندي ابتسامة وياك
اشبدر مني وصرت بشفاك ما مرغوب
ولا جنك جنت بسمي تحلي اشفاك
ابمكان الموعد اندكَ دكَت البسمار
وانشد ساعتك جم موعد اتعداك
يبو ملكَه الثلج بيّ القيامة تفور
انعم الله اعالجمر كاسرته وي ملكَاك
ترة جروح الجفه تلتام عد الناس
بس انته جرح سكر جرح فرگاك
أنه بطاري الهجر ما حاجي وي الروح
وحكَ سهر الليالي وردتي ابلياك
شفت وياك واحد وانه اغار اهواي
جنت ابروحتك ما اگلك الله اوياك
