السهراهه الخوف.. مهره
وسارحه ابتالي اللعب
هاك جفني .. امساهر
الحد الصبح
يقره.. يشتاك.. ويحب
أشكد أحبك يافرات
وفوك جرفك عمري
صايرلك عشب
أشكد أحب؟؟؟
مره.. مريتك غريب
ومره… مريتك صديق
ومره مريتك حبيب
ونته كل شوفه قصيده
تعتلك بيه نجم
وأتوسلك: بس لا تغيب
آنه أحن.. كلما أغيب
روحي فنت:
ياحبيبي.. ياغزل أول عمر بيه
أنكتب
انته بالشدات جمره
وطولي يوكفلك حطب
مايبدلني زمان
ولايزعلني عتب
ياحبيبي.. ياذهب
خطوه مي.. خطوه ذهب
خطوه .. دهله
وخطوه نافورة زلال
غسل طوله العنب بيهه
وماتعب
خطوه ضي.. خطوه ذهب
نجمه فوك القمريه
حطت أتضوي عليك
ونجمه فوك السور حطت
دايخه
أتدور عليه
نجمه الك..
نجمه اليه
ونسمه الك.. نسمه عليه
كشف لون الباب ذاك
وكلب لون القمريه
نكطت روحي نده
أبأول برد
يابرد أيلول
يا باب البرد
راح أروح
ولو.. أرد
لو ما أرد افورة
