لفتة مطير الباني
طبع بجروحى….
مدرى اشمالهن…
من ونتى ايفزن
واظل امكالب وى الليل…
واحجى ابصفنتى ولا جنهن ايسمعن
طبعهن مثل طبع الذيب…
من اينام….
بس اتنفس ايجفلن
يذبن جورهن كله اعله طول الليل….
وابدلالى ايلجمن
وحتى الملح ماسخ ما يلم اجروح….
وجدام الشماتة اشلون من يدن
بيهن ما تلوحه الايد….
وبيهن شال كل اهمومى وخزن
ونه ابكلبى رحى الشمات….
وى حس النواعى وحركته ايلجمن
جزر بالكيظ حر تموز…
وادموعى اعله طارى الحزن يتبدن
ما مش كل ذرة وبالجول….
لو طشن اسنينى اشلون يلتمن
دكاكين العمر سلعة ابوكت معتاز….
يبيعن من وكت بالرخص وايعزلن
مو بس ريح اجتنى وحتى اسد الباب…
اذا كلهن عواصف بيش ينسدن
وانه الما ضل كتر
عندى ايتلكة ا لضيف….
كل اكتارى باول حزنى انترسن
